على طريقتهم الخاصة احتفل نشطاء موقع التواصل الاجتماعى ” تويتر ” بعيد الفالنتين حيث أطلقوا عليه “فالنتاين الثورة” وكانت التعليقات كالأتي :-
- عمرو حمزاوي : أطالب بجعل الفالنتاين عطلة رسمية، الكتاتني : لا تزايد يا أخ حمزاوي فأنت لست أكثر منا رومانسية
- تشربي حاجة يا حبيبتي؟ .. آه ياريت إزازة مولوتوف بس تكون ساقعة
- انا هفضل متمسكة بيك تمسك العسكر بالسلطة… و مش هسيبك إلا على جثتك
- فاكرة رعشة إيديكى في إيديا .. واحنا بنجري من الشرطة العسكرية
- يا واد يا سينجل – السينجل اللي على حق يقول للورد و الدبدوب لأ
- هو : بحبك بعدد اللي انتخبوا الحرية والعدالة .. هي : بحبك بعدد اللي قالوا نعم على التعديلات الدستورية
- دبدوب خالد عبدالله (تدوس على بطنه يقول يا واد يا مؤمن)
- بحبك بعدد لجان تقصي الحقائق
- بحبك أكتر من حب الملثم لمواسير الغاز
- هى : فين الهدية؟؟ …هو : أنا عامل اضراب
- حبنا مفيش لايحة تقدر توصفه
- جايبلك دبدوب هدية بيغني يسقط يسقط حكم العسكر
- بعشقك♥ بما لا يخالف شرع الله
- هيجيب دبدوب تدوس فى عينه يغنى …شهداء 25 يناير ماتوا في أحداث يناير
- مافيش حاجه اسمها حب . مافيش فالينتين . مافيش هدايا . #العيسوي ستايل
- ان شاء الله حنتجوز و نجيب أحلى ولد و بنت و نسميهم خرطوشة و مطاطي
- يعنى ايه فلانتين يابرادعى؟ يعنى أمك يجيلها ورد أحمر ودبدوب.. أمي أنا! أيووووه أمك انت
- أبو حامد ماسك دبدوبين .. دول إيه دول يا ريس !!
- الشعب المصرى غير مؤهل للفلانتين #عمرسليمان
- الدبدوب الي واقف ورا عمر سليمان
- انا و حبيبتي “مصريين أحرار” و بنعمل كل اللي عايزينة ف “النور”
- الحب في زمن الغاز
- بكره اشتغل وأجبلك خيمة فى الميدان بتبص على الصينية وجنب المترو
- الحب ولع في المجمع العلمي يا بت
- لو حببتك اسمها “نزيهة” …تأكد إن ليها “إخوان” ياكلوا الزلط
- أنا ملتزم بأقصى درجات ضبط النفس رغم كل اللي بتعمليه
- بحبك حب الثوار للميدان .. وحب الإخوان للبرلمان .. وحب المشير لمبارك وسوزان
- الحب الحب…مولوتوف مولوتوف
ليست هناك تعليقات:
إرسال تعليق